今日打下童年回憶先
早前係網友到睇到第一次煎魚~咁今日又等我講下我第一次煎魚係點啦
話說係好耐好耐好耐之前~即係我重係小學生時代
有一日二哥病左,唔知點解家中又無哂人,得番我同佢
晚餐點算好呢....
打開雪柜有 菜同魚
只好自己動手啦~抄菜加煎魚
抄菜無難道啦~是但抄幾下落味食得 "好唔好食別計"
到煎魚啦......感覺好似同條魚打仗咁....
唔記得有無落味,不過好記得落鑊煎都落左幾個字..
因為D油彈到飛起...攪到我都痛到飛起....
最後都係關左火等D油凍左先再落魚~YAYAYA~咁味唔會彈囉~
係唔係好聰明?
不過,開火煎個時D油一樣彈到飛起==不過起馬落到鑊啦~
依...會唔會燶嫁?等我反下條魚先~
點知條魚因為重未煎熟..痴哂低...
當時既我又點會知係咩一回事呢...直覺話我知係因為唔夠油!!
加油,都重係痴...再加........
最後明明一條煎魚...變左一堆炸魚肉.....
從外表應該唔會有人會睇得出依一堆係魚......
最可怕既係洗鑊個時...一鑊都係油,我都唔多記得最後有無洗==
終於煮完~叫二哥食飯啦~印象中佢一坐低我第一時間同佢講既野係.......


依碟係煎魚......